کۆی دەنگەکان
0
نزار زێوێی
نزار فه‌تاح محه‌مه‌د ناسراو به نزار زێوێی ساڵی 1982 له سلێمانی له‌دایكبووه.
ئاماده‌یی پیشه‌یی ته‌واوكردوه. له‌ساڵی 1998 ده‌ستیكردوه به خوێندنی مووزیك له‌سه‌ر ئامێری سێتار و ئێامێری تار له‌شاری كرماشانی رۆژهه‌ڵاتی كوردستان.
نزار دبلۆمی له بواری مووزیكی شانۆدا هه‌یه.
مۆڵه‌تی وانه‌وتنه‌وه‌ی مووزیكی له وه‌زاره‌تی رۆشنبیری و وه‌زاره‌تی په‌روه‌رده‌ی ئێران بۆ ئامێره‌كانی تار و سێتار هه‌یه.
وه‌ك ژه‌نیاری تار دوو خه‌ڵاتی له كرماشان و تاران به‌ده‌ستهێناوه.
دامه‌زرێنه‌ری گروپه‌كانی چریكه‌ی ساوا و ئاته‌شگا و هامون و گروپی مووزیكی كورد و گروپی مووزیكی لوڕه.
بۆ ماوه‌ی 5 ساڵ له رێكخراوی مندااڵپارێزی كوردستان و سه‌رنته‌ری گه‌نجان لێپرسراوی به‌شی مووزیك بوه، ماوه‌ی 5 ساڵیش له په‌یمانگای هونه‌ره جوانه‌كان مامۆستای مووزیك بوه.
ئاماده‌كار و ژه‌نیاری چه‌ندین پرۆگرامی هونه‌ری بووه، له‌كه‌ناڵی ته‌له‌ڤزیۆنی.
نزار ئه‌لبومێكی تایبه‌تی ژه‌نینی ئامێری تاری هه‌یه به‌ناوی یه‌كه‌م هه‌نگاو.
به‌شداری چه‌ندین كۆنسێرتی له‌ناوه‌وه‌و ده‌ره‌وه‌ی وڵات كردوه‌و چه‌ندین گۆرانی و مووزیكی بۆ هونه‌رمه‌ندانی كورد و ئێرانی ئاماده‌كردوه.
