کۆی دەنگەکان
2
سه‌ردار پشده‌ری
سه‌ردار رۆسته‌م ناسراو به سه‌ردار پشده‌ری لە هاوینی ساڵی 1948 لە کوێستانی کێلێی نێوان سەردەشت و قەڵادزێ لەدایکبووە.
لەهەردووک دیوی رۆژهه‌ڵات‌و باشوور ناونووس کراوەو ناسنامەی هەردوو لای هەیە.
خوێندنی سەرەتایی و ناوەندی لە قەڵادزێ تەواو کردووە.
لە ساڵی 1963 به ته‌مه‌نێكی كه‌مه‌وه بۆته پێشمەرگەی ئه‌یلوول.
دوای گەرانەوەی لەشکری عێراقی بۆ قەڵادزێ لە 1965و کرانەوەی قوتابخانەکان، گه‌ڕایه‌وه قوتابخانه‌‌و تا کۆتایی ساڵی 1966 و لەو کاتەدا سەرۆکی یەکیەتی قوتابیانی قەڵادزێ بووه.
ساڵی 1967 دووباره بۆته پێشمه‌رگه‌‌و لە ساڵی 1968 بووه بە مامۆستای شۆڕش لە گوندی بێتواتە.
لە ساڵی 1974 به ته‌قینه‌وه‌ی مین بریندار ده‌بێ و لەو بەدواوە بارودۆخی تەندروستی رێگای نەدا بەشداری لە پێشمەرگایەتی بكا.
سەردار پشدەری لەسەرەتای هەڵگیرسانی شەڕی عێراق ـ ئێران لەساڵی 1980 چۆته ده‌ره‌وه‌ی وڵات‌و له لەندەن جێگیر بووه‌و دەستیکردووه بەکاری دیپلۆماتی‌و بازرگانی.
دوو دیبلۆمی نەوتی هەیەو سێ ساڵیش لەزانکۆی کوردستانی ئەلەکترۆنی ئەڵمانیا دەرسی زانستی سیاسی خوێندووە.
هه‌وڵێكی زۆری بۆ په‌یدا كردنی پشتیوان بۆ ده‌رهێنانی نه‌وتی كوردستان‌و هه‌نارده‌كردنی نه‌وتی كوردستان داوه‌‌و خۆی به خاوه‌نی بیرۆكه‌ی ده‌رهێنان‌و خۆماڵیكردنی نه‌وتی كوردستان ده‌زانێت.
سەردار پشدەری هه‌وڵیدا خۆی بۆ پۆستی سه‌رۆك كۆماری ئێران كاندید بكات، به‌ڵام ده‌وڵه‌تی ئێران ناوی ئه‌وی نەخستووه‌ته ناو لیستی ئەوانەی کە خۆیان هەڵبژاردووە به‌هۆی ئه‌وه‌ی كورده‌‌و شێعه‌ش نه‌بووه.
كه‌سایه‌تییه‌كی سیاسییه به‌ڵام ئێستا وەک بازرگانێک بژێوی ژیانی خۆی دابین دەکات له له‌نده‌ن نیشته‌جێیه.
به‌رده‌وام لێدوان‌و بیرو بۆچوونی تایبه‌تی هه‌یه له‌سه‌ر كوردستان به تایبه‌ت باشووری كوردستان.
خاوه‌نی چه‌ندین كتێبه له‌سه‌ر نه‌وتی كوردستان.
