کۆی دەنگەکان
1
عەلی حەسەنیانی
عەلی حەسەنیانی ناسراو به هاوار ساڵی 1318ی هه‌تاوی (1939) لە بنەماڵەیەکی مەهابادی لە شاری تاران لە دایک دەبێت.
هاوار یەکێک لە پێشەنگەکانی شیعری نوێی ڕۆژهەڵاتی کوردستان و شیعری "جەللاد" لە یەکەم شیعرە نوێیەکانی ئەون.
خوێندنی سەرەتایی و ناوەندی لە شارەکانی هەمەدان، مەهاباد و تاران تەواو دەکات و پاشان لە زانکۆی تاران لە بەشی یاسا و زانستە سیاسییەکان درێژە بە خوێندن دەدات.
لەو نێوەدا ماوەیەک بە هۆی چالاکی سیاسییەوە دەکەوێتە زیندان. دواتر هاوکات لەگەڵ چالاکی ئەدەبی و نووسین، وەک فەرمانبەر لە چەندین شاری ئێران و کوردستان درێژە بە ژیان دەدات.
دوای شۆڕشی ئێران لە ساڵی 1357، بۆ پەرەپێدانی تێکۆشانی سیاسی و ئەدەبی دەگەڕێتەوە مەهاباد. ساڵی 1368 ڕێگای هەندەران دەگرێتە بەر و دەچێتە وڵاتی فەنلاند و پاشان لە دانمارک دەگیرسێتەوە.
سەرەنجام لە بەهاری ساڵی 1371ی هەتاوی لەو وڵاتە بۆ هەمیشە ماڵاوایی لە ژیان دەکات و لە شاری کۆپێنهاگ بە خاک دەسپێردرێت.
