كەمالی

عەلی كەمال باپیر ئاغا جوامێر ئاغا كە نازناوی شاعیری كەمالییە. شاعیرێكی ناودار‌و هەڵكەوتووی كوردستانە‌و بەشیعرە نیشتمانی‌و نەتەوەییەكانی رۆڵی دیاری هەبووە لەجۆشدانی خەباتی كوردایەتیدا.

كەمالی ساڵی 1886 لەشاری سلێمانی دایك بووە. لای خواجە ئەفەندی خوێندنی ئاینی خوێندووە. دوای تەواو كردنی خوێندن بەفەرمانبەر دامەزراوە‌و لەشارەكانی سلێمانی‌و بەغداو كەركووك‌و هەڵەبجە خزمەتی میری كردووە.

كەمالی لەگۆڤارو رۆژنامەكانی سەردەمی خۆی وەك بانگی كورد، بانگی كوردستان، رۆژی كوردستان، ئومێدی ئیستقلال، پێشكەوتن، ژیانەوە، ژیان، ژین، زاری كرمانجی‌و گەلاوێژ شیعرو بەرهەمەكانی بڵاو كردۆتەوە.

كەمالی زمانەكانی توركی‌و عەرەبی‌و فارسی بەباشی زانیوە‌و ئەو زمانانە سەرچاوەی دەوڵەمەند كردنی زانیارییه‌كانی بوون. كەمالی كەسێكی نیشتمانپەوەر بووە‌و هاوكارێكی دڵسۆزی شێخ مەحموودی نەمر بووە‌و خاوەنی چەندین شیعری نیشتمانی‌و نەتەوەییە.

كەمالی 13 كتێب‌و نامیلكەی چاپكراوی هەیە دیارترینیان دیوانەكانی باخی میر‌و ده‌شتی شارەزورە.

ئەم شاعیرە له ساڵی 1974 كۆچی دوایی كرد.