کۆی دەنگەکان
0
دووکان
دووکان شارۆچکەیەکە، کەوتووەتە قەزای دووکان، پارێزگای سلێمانی، باشووری کوردستان.
ئەم شارۆچکەیە ناوەندی ناحیە و قەزای دووکانە.
دووکان لە باکوور ھاوسنوورە لەگەڵ بەنداوی دووکان و لە باشوور لەگەڵ گوندی تەلان و لە ڕۆژھەڵات لەگەڵ گوندی جۆبڵاخ و لە ڕۆژاوا لەگەڵ گوندی کلکەسماق.
دووکان گوندێکی بچوک بوو لە ناحیەی سورداش لەسەر زێی بچوک، گرنگی و ناوزەنگی دوکان کاتێک دەرکەوت کە لە ساڵی 1956 بڕیاری دروست کردنی بەنداوی دووکان درا. لەئێستادا شارۆچکەیەکی گەورە و پێشکەوتووە لە ڕووی گەشت و گوزارەوە و ناوەندی قەزایە.
بەنداوی دووکان لە ساڵانی 1954 تا 1959 لەسەر ڕووباری زێی بچووکدا و لە پارێزگای سلێمانیی کوردستاندا دروست کراوە، ئەم بەنداوە60 کیلۆمەتر لە شاری سلێمانی و نزیکەی 100 کیلۆمەتر لەشاری کەرکووکەوە دوورە.
