کۆیە

قەزای کۆیە یەکێک لە قەزاکانی پارێزگای ھەولێرە. قەزایەی کۆیە خاوەن پێگەیەکی جیۆگرافی گرنگە لەسەر ئاستی باشووری‌ کوردستان.

شاری‌ کۆیە ناوەندی قەزای کۆیەیه‌ لە پارێزگای ھەولێر.

کۆیە دەکەوێتە 79 کیلۆمەتری باشووری ڕۆژھەڵاتی شاری ھەولێر و 75 کیلۆمەتر لە شاری کەرکووک دوورە و کەوتووەتە نێوان ھەر دوو چیای سەرکەشی باواجی‌ و ھەیبەسوڵتان و باشووری شارەکەش دەشتێکی گەورەیە و سەنتەری شارەکەش دەکەوێتە ناوچەیەکی نیمچە شاخاوی و ڕوبارێکیش بە لای ڕۆژھەڵاتی شارەکەدا تێ دەپەڕیت کە بە ڕووباری کۆیە دەناسرێ.

لەساڵی 1918 کۆیە کراوە بە قەزا.