شەقڵاوە

قەزای شەقڵاوە یەکێک لە قەزاکانی پارێزگای ھەولێرە.

شەقڵاوە ناوەندی قەزای شەقڵاوەیە له پارێزگای ھەولێر كه ساڵی 1952 کراوە بە قەزا.

پێکھاتەی خەڵکی شەقڵاوه موسڵمان و مەسیحین، جاران جوولەکە‌شی لێ بووە، دواتر بەرەو ئیسرائیل کۆچیان کردووە.

شەقڵاوە بەھۆی سروشتی ڕەنگین و ھەوای فێنک و سازگاری، بووەتە گەورەترین ھاوینەھەواری باشووری‌ کوردستان و بزاڤی گەشتیاری سەرچاوەی داھاتی بەشێکی زۆری خەڵکی کاسبکاری شەقڵاوەیە.

لە ساڵی 2010دا، ژمارەی دانیشتووانی ئەم قەزایە 131٬660 کەس بووە كه‌ ئێستا زۆر زیاتره‌.